/113/ quam in priore opere posuisset.
Vel dicamus: Potest Deus facere semper
aliquid melius; res tamen non potest suscipere
illud melius. Potest Deus, asserunt aliqui,
facere ens essentia infinitum; ens autem
ipsum non potest suscipere illam infinitatem.
Dices: Frustranea et supervacua potentia
est, quae non habet in quod agat. Sed potentia
Dei infinita non habet in quo totam se exerceat,
quia nihil infinitatem ipsius potest recipere.
Frustra est igitur infinita Dei potentia.
Respondeo maiorem esse veram apud nos,
non apud Deum. Nam hic potentiae et actus
sunt relativa. At Dei potentia ad nihil refertur,
sed sua solius est, et ipsa sibi, et hoc
omne quod sunt omnia.
EXERCITATIO XVIII
Respondet quinto argumento.
Hoc autem sic adstruebatur: Dans causam
damni, damnum fecisse dicitur.
At Deus dat causam peccati, illius igitur auctor
est. Minorem probare solent Athei quia
Deus homini naturam dedit ad malum potius
quam ad bonum proclivem. Plus enim
habet de non esse quam esse, quare
facilius ad defectum declinat quam contendat
Indice
|
Pagine introduttive |
|
EXERCITATIONES |